Zëvendësdrejtor i Policisë së Kosovës për rajonin e Mitrovicës së Veriut, Veton Elshani, në një lidhje direkte në emisionin “FIVE” në RTV Dukagjini, ka thënë se gjatë bastisjes në një lokacion në Zveçan janë konfiskuar pije alkoolike.
“Gjatë kësaj bastisjeje, Krimet Ekonomike kanë bastisur lokacionin, kanë konfiskuar disa pije aloolike. Për neve ka qenë e rëndësishme që nuk ka pasur asnjë problem gjatë bastisjes dhe gjithçka ka shkuar në rregull”, ka thënë Elshani, duke shtuar se kjo ishte një asistencë normale dhe rutinore.
Elshani është shprehur se gjendja e përgjithshme e sigurisë në veri është e qetë, por, njëkohësisht, dhe delikate.
“Për ne është e rëndësishme të dimë se si të reagojmë…”, ka thënë ndër të tjerash ai.
Ndryshe, më herët Dogana e Kosovës ka njoftuar se nga kjo bastisje janë konfiskuar 280 copa pije të forta alkoolike, 300 copa verëra të ndryshme, dhe 180 produkte kozmetike të ndryshme.
Lexo dhe: Konfiskohen mallra të kontrabanduara në Zveçan
Vlera e përgjithshme e mallrave të konfiskuara tejkalon shumën prej 7 mijë eurosh.