Emmanuel Macron është rizgjedhur president i Francës, përballë Marine Le Pen, sipas vlerësimeve të para të institutit të sondazheve Ifop, raporton “Le Figaro”.
Emmanuel Macron me 58.2%, të dielën të 24 prillit, fitoi mandatin e dytë si presidenti Francës.
Në garë ishin presidenti aktual, Emmanuel Macron, dhe kandidatja e ekstremit të djathtë, Marine Le Pen, e cila fitoi 41.8% të votave.
Që 20 vjet, Franca nuk ka mbështetur një president për dy mandate, dhe kurrë më parë një president nuk është rizgjedhur me shumicën në parlament.
Presidenti i zgjedhur i Francës, gjatë fjalimit në Champ de Mars, është shoqëruar me brohoritje nga mbështetësit e tij, të cilët festonin rizgjedhjen e tij për herë të dytë në krye të Francës.
Presidenti i Këshillit Evropian Charles Michel, kryeministri i Belgjikës dhe ai i Luksemburgut, ishin ndër liderët e parë evropianë që e uruan zotin Macron.
Kryeministri i Mbretërisë së Bashkuar Boris Johnson uroi në Twitter rizgjedhjen tij si President i Francës.
“Franca është një nga aleatët tanë më të afërt dhe më të rëndësishëm. Unë pres që të vazhdojmë të punojmë së bashku për çështjet që kanë më shumë rëndësi për dy vendet tona dhe për botën”, ka shkruar Johnson.
Félicitations à @EmmanuelMacron pour votre réélection à la Présidence de la République Française. La France est l’un de nos alliés les plus proches et les plus importants. Je suis heureux de continuer à travailler ensemble sur les sujets-clés pour nos deux pays et pour le monde.
— Boris Johnson (@BorisJohnson) April 24, 2022
Macron kishte fituar mandatin e tij të parë në zgjedhjet presidenciale më 7 maj të vitit 2017
Mandati i presidentit të Francës është pesëvjeçar.