Në kuadër të aktiviteteve shteterore ne shënim të 27-vjetorit të Epopesë së UÇK-së, krerët e shtetit, sot në ditën e dytë të këtij manifestimi, do të bëjnë homazhe në Kompleksin memorial “Adem Jashari”, ne Prekaz.
Homazhe jané parapare edhe nga te gjitha komunat e vendit dhe në të gjitha komplekset memorialë të dëshmorëve.
Nga ora 10:00, drejtues të institucioneve qendrore dhe lokale do te bejne homazhe ne Kompleksin Memorial “Adem Jashari”, në Prekaz.
Kurse nga ora 17:00, në Prishtinë, eshtë paraparë akademi përkujtimore për Epopenë e UÇK-së.
Të mërkurën Prekazi u vizitua nga shumë qytetarë të ardhur nga te gjitha viset shqiptare. Kurse, në Qeverinë e Kosovës është mbajtur mbledhje solemne për Epopenë e UÇK-së.
Gjithashtu një manifestim eshtë mbajtur në kazermën ‘Adem Jashari’ në Prishtinë. Në të gjitha aktivitetet u vlerësua lartë sakrifica e familjes Jashari për lirinë e Kosovës.