Ekipi FC Ferizaji, përmes një postimi në rrjetin social Facebook, ka treguar se ka nënshkruar marrëveshje me Andrej Panadic, trajner i njohur kroat.
Vendimi për të nënshkruar një bashkëpunim të tillë me trajnerin Panadic ka ardhur, pas mbledhjes së Bordit Drejtues të FC Ferizajt.
Ndërkaq, Lulzim Abazi, udhëheqës i ekipit është shprehur i kënaqur për arritjen e një marrëveshje të tillë, duke theksuar faktin se Panadic është figurë e rëndësishme e futbollit evropian dhe do të shërbejë për ngritjen e cilësisë së ekipit të Ferizajt.
Panadic është një nga figurat më të respektuara të futbollit kroat, i cili krahas punës së tij si trajner, ka qenë edhe lojtar.
Ai ka qenë asistent i njërit nga trajnerët më të mëdhenjë kroat, Branko Ivankovic.
Gjithashtu, Panadic ka bashkëpunuar edhe me trajnerë të rëndësishëm kroat si Niko Kovac, Ante Cacic dhe Zlatko Dalic.
Ndërkaq, të mërkurën e 12 tetorit, Panadic pritet të vijë në Kosovë për të nënshkruar edhe zyrtarisht marrëveshjen në ambientet e klubit të FC Ferizajt.