Finlanda pritet që së shpejti do të filloj një proces që ka të ngjarë të kulmojë me një aplikim për t’u bashkuar me Aleancën e Veri Atlantike (NATO).
Qeveria e shtetit nordik, së bashku me Presidentin Sauli Niinisto, finalizuan të martën një libër të bardhë mbi ndryshimet në mjedisin e sigurisë së vendit pas sulmit të Rusisë në Ukrainë.
Të mërkurën parlamenti finlandez do ta pranoj një raport nga qeveria me ç’rast do të mbajë edh enjë seancë për miratimin e tij, por se ky raport nuk do të përmbaj diçka konkrete për t’u bashkuar me NATO-n, por se qeveria është e përgatitur të paraqesë më vonë një shtesë për një propozim të tillë nëse mbështetja e kërkuar për të shfaqet në parlament, ka thënë Ministri i Jashtëm i Finlandës, Pekka Haavisto.
Sipas një raporti jozyrtar nga gazeta më e madhe finlandeze “Helsingin Sanomat”, më shumë se gjysma e ligjvënësve votues tani mbështesin bashkimin me aleancën.
Shteti nordik i cili kufizohet me Rusinë ka parë një ndryshim tektonik në qëndrimet ndaj anëtarësimit në NATO pas luftës ruse në Ukrainë.
Me librin e bardhë që do të përdoret si një mjet për parlamentin për të debatuar këtë çështje, një aplikim i mundshëm për hyrje mund të depozitohet përpara se blloku prej 30 anëtarësh të takohet për një Samit në Madrid, më 29 dhe 30 qershor.
Rusia e ka paralajmëruar Finlandën kundër anëtarësimit në NATO.
Të premten, Finlanda raportoi një sulm në faqet e internetit të qeverisë dhe një shkelje të dyshuar të hapësirës ajrore nga avionët luftarak rusë.
