Përfaqësuesja e Argjentinës dhe ajo e Francës kanë publikuar tashmë formacionet zyrtare për finalen e madhe të Kupës së Botës “Katar 2022”.
Kombëtarja e Lionel Scalonit vjen nga një fitore e madhe në gjysmëfinale ndaj Kroacisë, dhe synon ta tregojë formën e njëjtë edhe ndaj Francës, dhe të fitojë trofeun e parë që nga viti 1986, kur kombëtarja e tyre u udhëhoq nga legjenda e futbollit, Diego Maradona.
Në anën tjetër, ekipi francez i Didier Deschamps, mposhti në gjysmëfinale Marokun në një ndeshje që ishte me sulme nga të dyja skuadrat, por me fat ishte Franca që tashmë ka synim trofeun e Kupës së Botës për herë të dytë radhazi, pasi janë fitues aktual të kësaj gare nga viti 2018 në Rusi.
Si Scaloni, ashtu edhe Deschamps, nuk kanë bërë ndryshime të mëdha për ndeshjen finale, por luajnë me formacionet më të mira të mundshme.
Argjentina udhëhiqet nga Lionel Messi, Rodrigo De Paul dhe Nicolas Otamendi, ndërsa Franca nga Kylian Mbappe, Antoine Griezmann dhe Hugo Lloris.
Lojtarët francez që do të luajnë kundër Argjentinës: Lloris, Kounde, Varane, Upamecano, Hernandez, Griezmann, Tchouameni, Rabiot, Dembele, Mbappe, Giroud.
Lojtarët argjentinas që do të luajnë kundër Francës: Martinez, Molina, Romero, Otamendi, Tagliafico, De Paul, Fernandez, Mac Allister, Messi, Di Maria, Alvarez.