Çdo vit kremtohen me shaka e “gënjeshtrat’’, por nga e kanë burimin këto, mbetet ende e paqartë.
1 Prilli është festuar për disa shekuj nga vende dhe kultura të ndryshme.
Traditat e Ditës së 1 Prillit përfshijnë “gënjeshtra të bardha” ose shaka me të tjerët, të njohura si “April Fools”.
Edhe pse historia e kësaj date të saktë është e mbështjellë me mister, shakatë e kësaj dite të këtij muaji bëhen çdo vit.
Origjina e 1 Prillit
Por, për shumë vende të botës kjo datë dallon për nga origjina. Disa historianë spekulojnë se “Dita e 1 Prillit” daton që nga viti 1582, kur Franca kaloi nga kalendari Julian në atë Gregorian, siç kërkohej nga Këshilli “Trent’’ më 1563. Në Kalendarin Julian, si në kalendarin Hindu, viti i ri fillon në pranverë rreth 1 prillit.
“Hilaria”
Historianët gjithashtu e kanë lidhur Ditën e Gënjeshtrave të Prillit me festivale të tilla si Hilaria (latinisht gëzim), i cili u festua në Romën e lashtë në fund të marsit.
Ai përfshinte njerëz që visheshin me maskime dhe talleshin me bashkëqytetarët dhe madje edhe me gjykatësit, ku thuhej se frymëzoheshin nga legjenda egjiptiane e Isis, Osiris dhe Seth.
“Vernal Equinox dhe April Fools”
Ekzistojnë gjithashtu spekulime se “Dita e 1 Prillit” ishte e lidhur me ditën e parë të pranverës në Hemisferën Veriore, kur “Mother Nature’” mashtroi njerëzit me mot të ndryshueshëm, të paparashikueshëm.
Shakatë e 1 Prillit
Në kohët moderne, njerëzit kanë bërë shumë përpjekje për të krijuar “pranks’’ dhe shaka për 1 Prillin.
Gazetat, radiot, dhe faqet e internetit kanë marrë pjesë në traditën e 1 prillit të raportimit të pretendimeve të trilluara që kanë mashtruar audiencat e tyre.
Në vitin 1992, Radio Publike Kombëtare në Amerikë bëri shaka për ish-Presidentin Richard Nixon, duke thënë se ai ishte duke kandiduar përsëri për president, por fjala ishte për një aktor me emër të njejtë “Nixon”, e cila ishte e gjitha një shaka e Ditës së gënjeshtrave që kapi vendin në befasi.
Por, për “Ditën e 1 Prillit” është e zakonshme të bëhen shaka, mashtrime dhe “pranks’” nga më të ndryshmet që zgjasin vetëm për këtë datë.