Policia e Kosovës ka njoftuar se të hënën rreth orës 14:47, një grua është gjetur pa shenja jete në Gjilan.
Në vendin e ngjarjes kanë dalë njësitet relevante policore, prokurori i shtetit dhe ekipi mjekësor.
Siç thuhet në njoftim, ekipi mjekësor ka bërë konstatimin e vdekjes së viktimës, ndërsa trupi i saj është dërguar në Institutin Mjekësor Ligjor (IML) për të kryer obduksionin e nevojshëm.
Autoritetet kanë njoftuar se rasti është duke u hetuar dhe nuk janë dhënë më shumë detaje.
“Është raportuar se viktima femër kosovare është gjetur pa shenja jete. Në vendin e ngjarjes kanë dalë njësitet relevante policore, prokurori i shtetit dhe ekipi mjekësor, i cili ka konstatuar vdekjen e viktimës. Me urdhër të prokurorit, trupi i pajetë i viktimës është dërguar në IML për obduksion, rasti vazhdon të hetohet”, thuhet në njoftim të Policisë.