Në Fushë-Kosovë, afër stacionit hekurudhor, një person është gjetur pa shenja jete.
Siç thuhet në raportin 24-orësh të Policisë, rasti ka ndodhur rreth orës 13:45, kur autoritetet janë njoftuar për trupin e shtrirë në tokë.
Njësitet policore dhe ekipet mjekësore kanë reaguar menjëherë pas njoftimit dhe kanë arritur në vendin e ngjarjes.
Pas një hetimi të shpejtë, është konstatuar se viktima është një mashkull kosovar dhe mjeku kujdestar ka konfirmuar vdekjen e tij në vendin e ngjarjes.
“HETIM MBI VDEKJEN – Lagjja ’28’ , Fushë-Kosovë 08.02.2024-13:45. Është raportuar se një person gjendet pa shenja jete afër stacionit hekurudhor Fushë -Kosovë. Njësitet policore, si dhe stafi mjekësor kanë dalë në vendin e ngjarjes dhe kanë hasur në viktimën mashkull kosovar, i cili ishte shtrirë në tokë. Nga mjeku kujdestar është konstatuar vdekja e tij”, thuhet në njoftimin e Policisë.
Me vendim të prokurorit, trupi i pajetë i viktimës është dërguar në Institutin Mjekësor Ligjor (IML) për të kryer obduksionin.