Gjenerali amerikan, Arthur Garffer është nderuar me titullin “Qytetar Nderi” nga komuna e Deçanit. Këtë nderim e ka njoftuar kreu i AAK-së, Ramush Haradinaj i cili ka deklaruar se vlerësimi i tillë buron nga zemrat e njerëzve të Deçanit.
Haradinaj përmes një postimi në “Facebook” ka shkruar se ky titull i dedikohet jo vetëm kontributit personal të Gjeneral Garffer, por edhe secilit ushtar amerikan që ka dhënë kontribut për lirinë e popullit tonë
“Sot, Deçani nderoi një mik të madh të Kosovës, Gjeneralin amerikan Arthur Garffer, me titullin “Qytetar Nderi”.Ky vlerësim buron nga zemrat e njerëzve të Deçanit dhe i dedikohet jo vetëm kontributit personal të Gjeneral Garffer, por edhe secilit ushtar amerikan që ka dhënë kontribut për lirinë e popullit tonë dhe sot shërbejnë me përkushtim për paqe e siguri në Kosovë. Mirënjohje përherë, Gjeneral Garffer!”, ka shkruar Haradinaj.