Brittney Gram, ylli i basketbollit amerikan ka apeluar kundër dënimin e saj me nëntë vjet burg në Rusi për posedim droge.
Gram, dy herë fituesja e medaljes së artë olimpike është dënuar në gusht të këtij viti sepse dyshohet se iu gjetën bombola vape që përmbanin vaj kanabisi në bagazhin e saj në aeroportin “Sheremetyevo” të Moskës.
Një gjykatë rajonale në Moskë filloi të dëgjojë ankesën e Griner të martën e 25 tetorit derisa 32-vjeçarja u shfaq me video-telefonatë nga një qendër paraburgimi pranë Moskës.
Shtetet e Bashkuara kanë thënë se ky rast ka motive politike derisa arrestimi i saj në shkurt të këtij viti ndodhi mes tensioneve të rritura mes Moskës dhe Uashingtonit, vetëm disa ditë para se Rusia të pushtonte Ukrainën.
Ylli i basketbollit amerikan, Griner ka pranuar se ajo kishte bombola në bagazhin e saj, por ka mohuar qëllimet kriminale duke thënë se asaj i ishte përshkruar kanabis për të trajtuar dhimbjen, raporton euronews.
Ndërsa, avokatët e Brittney Gram kanë theksuar se dënimi i saj me nëntë vjet burg ishte i tepruar.
Para shpalljes së dënimit për 32-vjeçaren, zyrtarët amerikanë deklaruan se Griner ishte “arrestuar gabimisht”.