Kryeparlamentari Glauk Konjufca, ka shprehur ngushëllime për babain e ish-kryetarit të Organizatës së Veteranëve të Luftës.
Përmes një postimi ne Facebook, Konjufca ka thënë se të ndjerin Avduallah Gucati, do ta kujtojë si njeri frymëzues për të tjerët.
“Me pikëllim mësova lajmin për ndarjen nga jeta të Avdullah Gucatit, babait të luftëtarit të lirisë, Hysni Gucati. Bacën Avdullah do ta kujtojmë si një prind të dashur e fisnik dhe frymëzues të brezave me patriotizëm dhe atdhedashuri. Bashkëndjejmë me familjen Gucati, të afërmit dhe miqtë, si dhe iu shpreh ngushëllimet më të sinqerta. U prehtë në paqe!”, thuhet në reagimin e kryeparlamentarit Konjufca.
Para disa ditëve Ish-kryetari i Organizatës së Veteranëve të Luftës (OVL-UÇK), Hysni Gucati, ishte lejuar nga Dhomat e Specializuara që ta vizitonte babain e tij i cili ishte i sëmurë.
Ndryshe, Gucati është dënuar me katër vjet e gjysmë burg duke llogaritur kohën e kaluar në paraburgim.