Tenistja e cila ka përfaqësuar Kazakistanin, Elena Rybakina, fitoi në finalen e Wimbledon për femra të shtunën, duke fituar titullin e saj të parë Grand Slam dhe të parin për Kazakistanin.
23-vjeçarja në finalen e saj të parë u përball me Ons Jabeur në tre sete, 3-6, 6-2, 6-2.
Rybakina, e cila ka lindur në Rusi, por ka përfaqësuar Kazakistanin që nga viti 2018, ishte finalistja më e re në Wimbledon që nga viti 2015, kur Garbine Muguruza ishte 21-vjeçare.
Gjatë intervistës pas ndeshjes, Rybakina u shpreh se ndihet e lehtësuar që ka përfunduar ndeshja.
“Isha super nervoze para ndeshjes, gjatë ndeshjes dhe jam e lumtur që përfundoi”, tha ajo për Sue Barker në “Centre Court”, njofton CNN.
Ajo përgëzoi kundërshtaren e saj Ons Jabeur, për një lojë të mrekullueshme.
“Por gjithashtu dua të përgëzoj Ons për një ndeshje të madhe dhe gjithçka që ka arritur. Mendoj se jeni një frymëzim për të gjithë. Ju keni një lojë të mrekullueshme. Ne nuk kemi dikë të tillë në turne dhe është kënaqësi të luash kundër teje, dhe am vrapuar aq shumë, saqë nuk mendoj se duhet të bëj më palestër.
