Halimi për Kurtin: Është treguar përbuzës ndaj gazetarëve që thjesht bëjnë detyrën

Zëdhënësja e Lidhjes Demokratike të Kosovës (LDK), Sibel Halimi ka reaguar për postimin e kryeminsitrit Kurti për pyetjen e gazetares. Halimi ka thënë se "kryeministri jotransparent i detyron gazetarët të sforcohen panevojshëm për t'i marrë qoftë edhe një deklaratë"

Sibel Halimi, zëdhënëse e Lidhjes Demokratike të Kosovës.





Zëdhënësja e Lidhjes Demokratike të Kosovës (LDK), Sibel Halimi ka reaguar për postimin e kryeministrit Kurti rreth pyetjes së gazetarës.

Halimi ka thënë se “kryeministri jotransparent i detyron gazetarët të sforcohen panevojshëm për t’i marrë qoftë edhe një deklaratë”.

Zëdhënësja e LDK-së ka thënë se Kurti është treguar përbuzës ndaj gazetarëve që thjesht bëjnë detyrën, “është kryeministri që nuk është transparent me qytetarët në asnjë temë, ndërkohë që llogaridhënien e ka detyrë”, ka vijuar Halimi.

Sibel Halimi ka theksuar se tendenca për të fabrikuar armikun e ri të brendshëm, apo fajtorin kujdestar të radhës, sipas Halimit do të dështojë, sepse pushteti që i ka krejt, nuk mund të arsyetohet me asgjë.

“Kryeministri jotransparent i detyron gazetarët të sforcohen panevojshëm për t’i marrë qoftë edhe një deklaratë. Përbuzës ndaj gazetarëve që thjesht bëjnë detyrën, është kryeministri që nuk është transparent me qytetarët në asnjë temë, ndërkohë që llogaridhënien e ka detyrë. Ata të cilët i ka linçuar përmes makinerisë kibernetike të partisë së tij, sot e mori stafetën për t’i tallur, a thua se gazetarët ia kanë fajin për dështimin spektakolar të kabinetit të tij. Megjithatë, tendenca për të fabrikuar armikun e ri të brendshëm, apo fajtorin kujdestar të radhës, do të dështojë, sepse pushteti që i ka krejt, nuk mund të arsyetohet me asgjë”, thuhet në postimin e Halimit në Facebook.

Këtë të enjte, kryeministri Kurti ka vizituar bujqit në Gjilan derisa gazetarja ka insistuar të pyes për Lajçakun.

Në postimin e kryeministrit Kurti thuhet se “Teksa bisedonim me bujqit, gazetarja që na ndiqte nëpër ara po më pyeste me insistim për Lajçakun. Unë e pyeta traktoristin për Lajçakun, por ai tundi kokën e i dha gaz traktorit”.





Shija e redaktorit

Sudani e njeh pavarësinë e Kosovën

Sudani, shtet në verilindje të Afrikës, e ka njohur pavarësinë e Kosovës të shtunën. Lajmin për njohjen e Kosovës nga Sudani e ka dhënë e...

Presidentja Osmani takon presidentin e Sirisë, bisedojnë për hapjen e...

Presidentja e vendit, Vjosa Osmani, në kuadër të Forumit Diplomatik të Antalyas në Turqi është takuar edhe me presidentin e ri të Sirisë, Assad...

Presidentja Osmani udhëton për në Turqi me ftesë të Erdoganit,...

Presidentja e Kosovës, Vjosa Osmani me ftesë të Presidentit të Turqisë, Recep Tayyip Erdoğan, ka udhëtuar të merr pjesë në Forumin Diplomatik të Antalisë. Në një...

Të fundit nga rubrika