“Halloween”, ka sjell edhe një tjetër fatkeqësi, ku 14 persona përfshirë tre fëmijë, u qëlluan nga të shtënat me armë zjarri prej një makine të hënën mbrëma në një shesh të frekuentuar në Çikago, ku njerëzit ishin mbledhur për natën e Halloweenit.
Hetuesit po përpiqen të gjejnë sulmuesit, ka thënë policia, raporton CNN.
Dy persona që udhëtonin me një SUV të errët hapën zjarr në natën e Halloween-it ndaj njerëzve në cep të Kalifornisë Avenue dhe Polk Street rreth orës 21:30 para se automjeti të largohej, tha policia.
Një person i 15-të, që ishte grua, pësoi gërvishtje kur një automjet e goditi atë, ndërsa, ajo u përpoq të ikte nga vendi, ka thënë policia.
Një djalë 3-vjeçar, një vajzë 11-vjeçare dhe një djalë 13-vjeçar ishin mes të qëlluarve, tha policia.
Viktimat me armë zjarri po trajtoheshin në spitale. Gjendja e tyre u përshkrua si kritike për dy, e rëndë për pesë, e mirë për gjashtë dhe e panjohur për një, tha policia të martën në mëngjes.
Mbledhja e festës nuk kishte lidhje me të shtënat, ka thënë policia në një njoftim për shtyp pa dhënë detaje të mëtejshme mbi një motiv. Njerëzit që nuk janë përfshirë në vigjilje mund të kenë qenë në qoshe në atë kohë, ka thënë në një konferencë shtypi mbikëqyrësi i policisë së Çikagos, David Brown.
“Mund të ketë qenë edhe të tjerë të mbledhur për arsye të tjera të ndryshme,” ka thënë ai. “Është një kënd shumë i zakonshëm ku njerëzit mblidhen dhe bëjnë takime dhe tubime të ndryshme”.
Më shumë se 500 të shtëna masive kanë ndodhur në Shtetet e Bashkuara deri më tani këtë vit, sipas arkivit jofitimprurës Gun Violence Archive.
Numërimi ishte në 573 që nga e marta, mesatarisht më shumë se 1.8 të shtëna masive çdo ditë, thotë grupi, i cili ashtu si CNN përkufizon një të shtëna masive si atë në të cilën të paktën katër persona janë qëlluar, duke përjashtuar sulmuesin.
Gjithashtu, të hënën mbrëma, një person u vra dhe gjashtë të tjerë u plagosën në një të shtëna në një festë të Halloween në një shtëpi në Kansas City, Kansas , ka bërë të ditur policia. Rreth 100 nxënës të moshës së shkollës së mesme ishin në shtëpi kur shpërthyen të shtënat.
Korea e Jugut shpall periudhë zie pasi rrëmuja e Halloween vrau 153 persona