Bedri Hamza, kandidati për kryeministër nga Partia Demokratike e Kosovës (PDK) shprehu bindjen se do të marrë vota edhe nga simpatizantë të partive të tjera në zgjedhjet e 9 shkurtit.
Hamza theksoi se gjatë karrierës së tij në pozita të ndryshme udhëheqëse, përfshirë Ministrinë e Financave, Bankën Qendrore dhe komunën e Mitrovicës, asnjëherë nuk ka lejuar që bindjet politike të ndikojnë në pozitat e punonjësve.
“Pavarësisht që unë, u rrit PDK në Mitrovicë në zgjedhjet e fundit, unë kam pas prapë se prapë 50% më shumë vota se subjekti përmes të cilit kam garu, edhe tash jam i bindun që kanë me më votu, edhe u bëj ftesë edhe partive tjera politike me më votu për shkak se kam me iu shërby ndershëm edhe me respektin maksimal si qytetarë i këtij vendi. 8 vjet kam punu në Ministrinë e Financave, afërsisht në Bankë Qendrore, 4 vjet në komunën e Mitrovicës, nuk ka njeri për shkak të bindjeve politike, ku unë kam qeverisë që iu ka cenu pozita e punës. Nuk cenohet askush për shkak të bindjeve politike. Bindjet politike nuk e rrezikojnë askënd”, ka thënë Hamza në T7.