Në Vjenë të Austrisë është hapur ekspozita “Dokumentimi i rezistencës paqësore”.
Përmes një lidhjeje video-telefonike në emisionin “Rreth e Rrotull”, autori i ekspozitës, Shkumbin Brestovci, ka thënë se kjo ekspozitë ka grumbulluar shumë publik me rastin e hapjes.
“Ekspozita është hapë në verë dhe kemi pritë që ka me pasë më pak publik, por ka qenë krejt salla plotësisht e mbushur me njerëz”, ka thënë Brestovci.
Ekspozita kishte të bënte me rezistencën paqësore të viteve 90’ta.
“Një ekspozitë të ngjashme e kam hapur edhe në Prishtinë në kremtimin e pavarësisë në muzeun që është në kuadër të muzeut ndërkombëtar”, vijoi ai.
Gjithashtu, autori i ekspozitës bëri edhe një krahasim në mes të kryeqyteteve, atij të Kosovës e Austrisë, respektivisht Prishtinës dhe Vjenës, sa i përket ekspozitës në fjalë.
“Në Prishtinë e kemi ditë krejt çka ka ndodhë dhe befasia më e madhe ka qenë me publikun evropian për mënyrën se si e kanë perceptuar ekspozitën”, tha Brestovci.
Në fund, autori i ekspozitës foli edhe për komunitetin shqiptar atje, ku bëri me dije se shqiptarët atje do t’i bëjnë pushimet në vendlindje në gusht.