Kjo vogëlushe bëri hapjen e edicionit të dytë të festivalit dhe panairit të librit për fëmijë.
Sheshi Zahir Pajaziti ishte i mbushur me fëmijë nga shumë prej shkollave të kryeqytetit, që po prisnin në radhë të merrnin pjesë në aktivitetet e ndryshme.
Organizata ETEA së bashku me Bibliotekën Hivzi Sylejmani, do të përkujdesen që për 5 ditë za zgjatë festivali, të mirëpresin fëmijët.
Shtëpia botuese dhe libraria Dukagjini janë pjesë e këtij panairi ku pos librave kanë organizuar edhe aktivitete tjera për fëmijët pjesëmarrës.
Pos pikturimit, shtëpia botuese ka përgatitur aktivitete për të gjitha ditët e panairit, teksa ka organizuar edhe një garë në të cilën do të shpërblejë fëmijët.
Ngjarja që zgjat deri të dielën, do të jetë e hapur nga ora 10 deri në orën 18.