Kryetari i AAK-së, Ramush Haradinaj në 25-vjetorin e rënies së heroit Agim Ramadani ka thënë se ai ka qenë luftëtar i vërtetë e me virtyte të larta.
Haradinaj tha se Ramadani ishte ndër protagonistët kryesorë të Betejës së Koshares.
“Ndër protagonistët kryesorë të Betejës së Koshares gjithsesi është emri i një luftëtari të vërtetë e me virtyte të larta. Agim Ramadani, strategu që shkuli gurin e kufirit që ndante shqiptarët, emër ky që u bë tmerr për armikun”, ka shkruar Haradinaj.
Tutje Haradinaj ka shkruar se “shumë luftëtarë ranë në fushën e nderit nën emrin e brigadës që barti emrin e tij e shumë të tjerë i lanë gjymtyrët në kufirin shqiptaro-shqiptar”.
“Agimi nga Zhegra e Gjilanit, e nderoi Dukagjinin, Kosovën e mbarë kombin shqiptar”, ka shkruar Ramush Haradinaj.