Ramush Haradinaj, kandidati i koalicionit ‘Kosova Fituese’ nga AAK dhe NISMA, ka bërë homazhe para shtatores së Zahir Pajazitit në Prishtinë, në 28-vjetorin e rënies së tij dhe të Hakif Zejnullahut e Edmond Hoxhës.
Në një postim në Facebook, Haradinaj ka falënderuar të heronjtë për kontributin dhe shërbimi që i bënë atdheut.
“Në kërkim të lirisë dhe të drejtës së shqiptarëve, Zahir Pajaziti, Edmond Hoxha dhe Hakif Zejnullahu, njëzetetetë vjet më parë u shndërruan në shembuj të atdhedashurisë dhe vetëmohimit, pikëmbështetje të vizionit tonë për Kosovën. Faleminderit për shërbimin ndaj Atdheut”, ka shkruar Haradinaj.
