Në selinë e Aleancës për Ardhmërinë e Kosovës, këtë të hënë qëndroi për vizitë ambasadori amerikan në Kosovë, Jeffrey Hovenier, i cili u prit nga kryetari i aleancës, Ramush Haradinaj.
Kreu i AAK-së njoftoi se gjatë takimit u diskutua për zhvillimet e fundit në vend.
“Ambasadorin Hovenier e falënderova personalisht për angazhimin e Ambasadës së ShBA-së në Kosovë, në mbështetje të vizitës që realizova në Amerikë. Hovenier e njoftova për temat e diskutimit gjatë takimeve që kisha në Department të Shtetit, Këshillin Kombëtar të Sigurisë së Shtëpisë së Bardhë, Pentagon, Kongres dhe Senat, ku kërkova që dialogu strategjik Kosovë-Amerikë të shtrihet në marrëdhënie bilaterale dhe të ndodhë me hapa të përshpejtuar anëtarësimi i Kosovës në NATO”, shkroi ai.
Sipas Haradinajt, aleanca mes dy vendeve është e përjetshme dhe do të punojnë pa ndalur që të zhvillohet e forcohet çdo ditë.
