Pas shpalljes së rezultatit përfundimtar, lideri i AAK-së, Ramush Haradinaj, ka reaguar dhe ka shkruar se pavarësisht se nuk është rezultati që e ka pritur, nuk harron të falënderon të gjithë ata që më 9 shkurt e kanë votuar AAK-në.
Haradinaj falënderon gjithë ata që e votuan AAK-në: E kemi thënë që s’ishte rezultati që kemi pritur
Pas shpalljes së rezultatit përfundimtar, kreu i AAK-së, Ramush Haradinaj, ka reaguar dhe ka shkruar se pavarësisht se nuk është rezultati që e ka pritur, nuk harron të falënderon të gjithë ata që më 9 shkurt e kanë votuar AAK-në.
Haradinaj ka thënë se pavarësisht numrave, nuk do të rreshtin së punuari për një Kosovë të sigurt e të zhvilluar.
Postimi i plotë:
Kemi garuar me një vizion të qartë, atë të sigurisë, prej të cilit do të derivonin edhe siguria ekonomike dhe mirëqenia e qytetarit të Republikës së Kosovës. Tashmë jemi deklaruar se rezultatin e kemi pritur ndryshe, por kjo asnjëherë nuk do të thotë se harrojmë të ju jemi mirënjohës përzemërsisht 66 mijë e 256 votuesve të Aleancës. E dimë saktë se, sado që jemi në numër dhe përfaqësim, nuk do të rreshtim së punuari për një Kosovë të sigurt, të zhvilluar e të avancuar ndërkombëtarisht.
Do të jemi këtu, gjithmonë në shërbimin e secilit qytetar, pa përjashtim. Aleanca ka qenë dhe është në kontratë të përjetshme vetëm me qytetarin e Kosovës.
Kosovë, paç ditë të bardha përpara!
I juaji,
Ramush Haradinaj
