Kandidati i Aleancës për Ardhmërinë e Kosovës (AAK) për deputet, Daut Haradinaj, ka adresuar kritika ndaj kryeministrit Albin Kurti, duke e akuzuar për veprime që, sipas tij, shkojnë në favor të Serbisë.
Haradinaj theksoi se veprimet e Qeverisë Kurti kanë ndihmuar Serbinë të pozicionohet si viktimë në arenën ndërkombëtare, ndërsa Kosova shihet si agresore.
“Veprimet që i shkojnë në favor Serbisë dhe që e kanë nxjerrë Serbinë viktimë, e neve agresorë, na bëjnë me dyshu që krejtësisht janë në koordinim. Edhe çdo veprim i tij ( i kryeministrit Kurti), çdo largim i Kosovës prej perëndimit është favor që i shkon Serbisë. Dhe këtë e bën përpos një njeri i tyre”, ka thënë Haradinaj në Debat Plus.