Ministrja Drejtësisë, Albulena Haxhiu, ka reaguar ndaj një rasti ku ish-kryeprokurori i Apelit, Haxhi Dërguti, dhe disa gjyqtarë janë të përfshirë në një skandal, ku sipas një hulumtim dyvjeçar nga kallxo.com u bë e ditur një aferë në të cilën dyshohet se u dhanë 150 mijë euro për të ndikuar në kryerjen e disa lëndëve në gjykatat e Kosovës.
Ajo ka thënë se këto fenomene kanë qenë të njohura prej kohësh, por vetëm sot po i shohim dhe dëgjojmë.
Ministrja Haxhiu shtoi se Haxhi Dërguti se edhe raste të tjera dhe nuk është vetëm ky rast.
“Haxhi Dërguti jo vetëm për këtë rast por edhe për shumë raste tjera. Pavarësisht që sot është avokat, ndikimet e paligjshme të tij jam e bindur që vazhdojnë ende për shkak të shumë njerëzve që i ka brenda sistemit të drejtësisë që hapin e mbyllin lëndë me para”, ka shkruar Haxhiu.
Sipas Haxhiut në “rrethanat kur sistemi nuk është në shërbim të qytetarëve qytetarët që i qesin sheshit pazaret e skandalet janë shpresa që e keqja mund të luftohet prandaj inkurajoj të gjithë që të ndjekin shembullin e qytetarëve të guximshëm dhe në anën tjetër bëj thirrje grupeve parlamentare në Kuvend nga radhët e opozitës që t’i japin mbështetje reformës në drejtësi e cila me padurim po pritet nga qytetarët”.