Helikopterët sulmues “Apache” të Ushtrisë Amerikane me bazë në Korenë e Jugut janë duke zhvilluar stërvitje me raketa dhe armë për herë të parë që nga viti 2019, ndërsa aleatët rrisin stërvitjet ushtarake mes tensioneve me Korenë e Veriut.
Trajnimi ka rifilluar në kompleksin Rodriguez Live Fire në jug të Zonës së Çmilitarizuar (DMZ), i cili është i fortifikuar përgjatë kufirit, pasi ishte anuluar në vitet e fundit kur banorët pranë u ankuan për zhurmën dhe shqetësimet e sigurisë.
Gjatë javës së kaluar, helikopterët AH-64E Apache të angazhuar në stërvitjet e certifikimit, kanë treguar video-imazhe dhe fotografi të publikuara nga Divizioni i 2-të i Këmbësorisë së SHBA-së.
“Ekuipazhet po kualifikohen gjatë ditës dhe natës me raketën AGM-114 Hellfire, raketën Hydra 70 dhe kanunin 30 mm”, ka thënë divizioni në Twitter.
Stërvitjet vijnë pasi aleatët njoftuan se do të rifillonin trajnime të tjera të drejtpërdrejta në terren gjatë stërvitjeve të përbashkëta të pakësuara prej disa vitesh për shkak të COVID-19 dhe përpjekjeve për të ulur tensionin me Korenë Veriore, raporton CNN.
Presidenti i Koresë së Jugut, Yoon Suk-yeol, i cili mori detyrën në maj, është zotuar të “normalizojë” stërvitjet e përbashkëta dhe të rrisë parandalimin kundër Veriut.
Stërvitjet Apache do të masin gjithashtu nivelin e zhurmës që gjenerojnë, në përgjigje të ankesave, tregoi një zyrtar i Ministrisë së Mbrojtjes.
Forcat Amerikane të Koresë (USFK) nuk iu përgjigjën menjëherë një kërkese për koment.
Një ish-zyrtar i lartë i mbrojtjes amerikane është shprehur se mungesa e trajnimit të zjarrit ishte një “problem i madh” për pilotët dhe ekuipazhet amerikane.
“Ata ishin më pak të gatshëm në kohën kur u largua Koreja e Jugut sesa kur mbërritën,” tha ish-zyrtari për Reuters, duke folur në kushte anonimiteti për të diskutuar operacionet ushtarake të SHBA.
Gjithashtu, ai ka shtuar se gjatë periudhës pa stërvitje me zjarr të vërtetë, Pentagoni ka paguar për të dërguar ekuipazhet Apache në Shtetet e Bashkuara për ushtrime kualifikimi çdo tremujor.
Ish-zyrtari ka vazhduar të tregojë se problemi është përkeqësuar kur ushtria amerikane vendosi përgjithmonë një njësi të mëparshme rrotulluese Apache në Korenë e Jugut në shkurt.
Në fund, ai ka rrëfyer se administrata e ish-presidentit të Koresë së Jugut Moon Jae-in nuk kishte asnjë interes për të kapërcyer problemet politike dhe për të rifilluar stërvitjet.