Mesnata ishte koha kur heshtja zgjedhore filloi në Mal të Zi para raundit të dytë të zgjedhjeve presidenciale, që do të mbahen të dielën.
Kjo heshtja zgjedhore do të zgjasë deri në orën 20:00 të së dielës, në mbyllen e qendrave të votimit.
Përgjatë saj do të jetë i ndaluar reklamimi politik, sloganet e kandidatëve dhe publikimi i vlerësimeve të rezultateve të votimit.
Kandidati i Partisë Demokratike të Socialistëve të Malit të Zi, Millo Gjukanoviq dhe Jakov Millatoviq, kandidati i Lëvizjes Evropa janë dy kandidatë për president, të cilët fituan më shumë vota në raundin e parë zgjedhor të 19 marsit.
Ky raund i zgjedhjeve paraqet zgjedhjet e katërta presidenciale që nga ripërtëritja e pavarësisë së Malit të Zi dhe të shtatat që nga futja e sistemit shumëpartiak.
Të drejtë vote në rundin e dytë të zgjedhjeve për president të Malit të Zi kanë 542.154 qytetarë.
Me numër më të madh të votuesëve është Podgorica me 143,608 votues, gjersa me më së paku është Shavniku me 1.777 votues.
Mandati i presidentit zgjat pesë vjet.
Rregullsia e procesit zgjedhor do të monitorohet nga misionet vëzhguese të ODIHR-it, deputetët evropianë dhe Këshilli i Evropës, si dhe nga organizatat joqeveritare Qendra për Monitorim dhe Qendra për Tranzicionin Demokratik.