Lojtarët e Bad News Eagles, janë duke vazhduar të bëjnë krenar Kosovën duke e prezantuar me fitore të njëpasnjëshme në turneun më të madh të CS:GO, midis qytetit Rio de Janeiro të Brazilit.
Kësaj radhe, BNE ka triumfuar kundër skuadrës nga Gjermania, GamerLegion. Ekipi nga Kosova, nga kjo fitore është kualifikuar në fazën “Legends Stage” të IEM Rio Major 2022.
Lojtarët e BNE, kanë përfunduar ndeshjen me rezultat të përgjithshëm 2:0, në fazën “Challengers Stage” të Majorit.
Ndeshja është zhvilluar në formatin “Best of 3”, map-i i parë ka qenë “Anicent”, i cili përfundoi me rezultat 16:9 për ekipin kosovar, dhe map-i i dytë “Mirage”, i zhvilluar mënyrë fantastike nga BNE, duke triumfuar bindshëm me rezultat 16:7.
“Nëse e arrin një herë, mund ta quash me fat, por nëse e bën herën e dytë dhe e bën mjaftueshëm bindëse, nuk është më fat”, është shprehur lojtari i BNE, Flatron Halimi, (Juanflatroo).
"If you make it one time, you can call it lucky, but if you make it the second time and you make it convincing enough, that's not lucky anymore" – @juanflatrooo @_badnewseagles are going to the Legends Stage once again!#IEM pic.twitter.com/LXM9je585J
— HLTV.org @ IEM RIO 🇧🇷 (@HLTVorg) November 1, 2022
Përveç lojtarëve tjerë të ekipës kosovare, Rigon Gashi (RigoN), ka shkëlqyer në ndeshjen kundër ekipit gjerman GamerLegion, duke realizuar mbi 20-të kills në vetëm një map.
BNE, tani janë fitues të tri ndeshjeve radhazi, pas fitores në ndeshjen e parë ndaj ekipit 00Nation, BNE arriti që të fitojë edhe në ndeshjen e dytë ndaj ekipit gjerman BIG, transmeton Portali Dukagjini.
Ekipi nga Kosova është në garë për një grup çmimesh prej 1.2 milion dollarësh, derisa në këtë trune garojnë ekipet më të mira të botës në CS:GO.
Bad News Eagles kualifikohet për herë të dytë në turneun më të madh të CS:GO