Të premten e 26 gushtit, nënkryetari i LDK-së Avdullah Hoti ka njoftuar se është takuar me të dërguari të posaçëm të ShBA-së për Ballkanin Perëndimor, Gabriel Escobar në Vjenë.
Nënkryetari i LDK-së ka thënë se në këtë takim është shoqëruar me deputetin e LDK-së Arben Gashi.
“Diskutuam për zhvillimet e fundit në dialog dhe hapat që duhet ndërmarrë në përputhje me vizionin tonë të përbashkët dhe afatgjatë për Kosovën e integruar plotësisht në strukturat euro-atlantike”, thuhet në postimin e Hotit në Facebook.
Avdullah Hoti ka përfunduar duke thënë se Kosova nuk ka mik më të mirë se Shtetet e Bashkuara.