Ka përfunduar takimi në mes të ambasadorit të ShBA-së në Kosovë, Jeff Hovenier dhe presidentes së Kosovës, Vjosa Osmani.
Pas takimit, Hovenier u tha mediave se me presidenten Osmani zhvilluan takim informues për situatën e krijuar në veri.
Ambasadori amerikan ka thënë se janë të shqetësuar për situatën në veri dhe se kryetarët nuk mund të hyjnë me forcë në zyrat e komunave.
“Me kërkesë të saj kisha një takim me presidenten Vjosa Osmani, për shkak të shqetësimeve që kemi në veri. Unë kamë ftuar katër kryetarët e komunave në veri, i keni parë reagimet tona, jemi të shqetësuar për situatën në veri. Kryetarët duhet t’i kryejnë detyrat e tyre, por jo të hyjnë me forcë në zyre”, ka thënë ai.
Ambasadori amerikan, para se të takohej me Osmanin, ishte takuar me kryetarin e Zubin Potokut, Izmir Zeqiri dhe me atë të Zveçanit, Ilir Peci.
Ndërkaq, Erden Atiq, kryetar i Mitrovicës së Veriut dhe Lulzim Hetemi i Leposaviçit, të dy të VV-së, nuk kanë shkuar në takim.