Një i mitur në Suharekë ka raportuar se është kanosur me vrasje nga një person i dyshuar, rast që ka ndodhur më 22 mars të këtij viti.
Policia e Kosovës, në raportin 24-orësh, ka njoftuar se gjatë hetimit te i dyshuari është gjetur dhe konfiskuar një armë gjuetie dhe dy fishekë.
“I dyshuari është shoqëruar në stacionin policor për intervistim, ndërsa nga shtëpia e tij është sekuestruar një armë gjuetie dhe dy fishekë. Pas hetimeve dhe me vendim të prokurorit, i dyshuari është liruar në procedurë të rregullt,” thuhet në njoftimin e policisë.
Hetimet për këtë rast vazhdojnë.