Këngëtari i njohur turk, Ibrahim Tatlises, i cili mbeti i bllokuar në automjet si pasojë e një aksidenti trafiku në Bodrum Yalikavak në Turqi, është dërguar në spital.
Tatlises në spitalin ku u dërgua dëgjohet duke kënduar këngën “Ağrı Dağın Eteğinde”, derisa raportohet se ai është në gjendje të mirë shëndetësore.
Menaxheri i Tatlises, Polat Yagcı, në llogarinë e tij në rrjetet sociale, me mesazhin “Faleminderit Zot” ka shpërndarë videon e atyre momenteve kur Tatlises këndonte këngë popullore.
Gjithashtu, Tatlises i falendëroi fansat e tij, që i kanë shkruar për ta ditur nëse ai është mirë.
“Zoti i bekoftë të gjithë ata që thërrasin dhe pyesin. Shihemi në restorant në mbrëmje. Unë ju dua”, ka shkruar ai.
Ibrahim Tatlises ishte përfshirë në një aksident trafiku. Këtë e kanë bërë të ditur mediat turke, të cilat kanë publikuar edhe fotografi nga vendi i ngjarjes.
Ata arritën ta largonin këngëtarin Tatlises nga automjeti dhe e transferuan në spital, ndërsa fati i personave të tjerë të përfshirë në aksident është ende i paqartë.
Ibrahim Tatlises përfshihet në një aksident trafiku në Turqi