Kabineti qeveritar i Gjermanisë ka inicuar vazhdimin e angazhimit ushtarak në Kosovë edhe për një vit tjetër.
Ndërkaq Parlamenti federal, Bundestagu do ta shqyrtojë këtë kërkesë në javët në vijim.
Gjatë mandatit parashikohet që në Kosovë të dërgohen deri në 400 ushtarë gjerman.
Sipas Deutsche Welle, nga informacionet e Qeverisë Federale, aktualisht aty janë të angazhuar rreth 70 anëtarë të Forcave të Armatosura Gjermane, Bundeswehrit.
KFOR-i në Kosovë është angazhuar që nga viti 1999 në bazë të Rezolutës 1244 të Këshillit të Sigurimit të Kombeve të Bashkuara.
Më 11 qershor 1999, Bundestagu Gjerman vendosi për herë të parë pjesëmarrjen gjermane në Forcën e KFOR-it në Kosovë.
Ndërkaq, Gjermania mbetet lidere me investimet e saj në Republikën e Kosovës. E këto investime që janë të fokusuara në patundshmëri vijnë kryesisht nga bashkatdhetarët, të cilët kanë shtetësi gjermane.
Nga mbi 58 milionë euro investime nga jashtë, mbi 20 milionë euro janë investime gjermane.
Që nga shpallja e Pavarësisë së Kosovës, sipas të dhënave të BQK-së, Gjermania ka investuar më së shumti. Janë mbi 802 milionë euro investime gjermane.
Viti 2021 shënon shifra rekord të investimeve direkte, me ç ‘rast Kosova pranoi mbi 415 milionë euro investime. Vetëm para Pavarësisë së Kosovës ka pasur kaq shumë investime.
Në total që nga viti 2007 deri në vitin 2021, shtetet e tjera në Kosovë kanë investuar mbi 4 miliardë e 570 milionë euro.
Gjermania, shteti që ka investuar mbi 800 milionë euro në Kosovë