Një krim i rëndë në familje ka ndodhur të mërkurën e 1 marsit në Paskuqan.
Klan News raporton se ish-dhëndri i familjes, 35-vjeçari Ramazan Kutra, ka hyrë në banesën e familjes së ish-bashkëshortes dhe ka qëlluar me breshëri, ndaj të gjithë personave që kanë qenë të pranishëm në banesë.
Gazetari i Klan News, Besar Bajraktaraj raporton se dyshohet për 2 viktima. Gjithashtu, dyshohet se si pasojë e krimit kanë mbetur edhe 3 persona të plagosur.
Dyshohet se një prej personave që ka humbur jetën është ish-vjehrri i autorit të krimit.
Mes viktimave raportohet se është një grua, identiteti i së cilës akoma nuk është bërë i ditur.
Këto janë pamjet që vijnë nga vendi i ngjarjes në Paskuqan, aty ku ish-dhëndri i familjes, Ramazan Kutra qëlloi me breshëri familjarët e ish-gruas së tij. Policia është vënë në ndjekje të autorit, i cili është arratisur me një makinë tip “C Class” ngjyrë të zezë.
Gazetarja Glidona Daci raportoi nga vendi i ngjarjes se janë disa automjete policie që kanë shkuar aty pasi ka ndodhur krimi.
Efektivët kanë ngritur disa postblloqe për të bërë të mundur kapjen e autorit.