Burim Ramadani, ish-kryeinspektor i Agjencisë së Kosovës për Inteligjencë (AKI), ka kërkuar që deputeti i Vetëvendosjes (VV), Arbër Rexhaj, të përballet me të në Gjykatë.
Në postimin e tij, Ramadani ka kritikuar ashpër Rexhajn dhe ministrin e Brendshëm, Xhelal Sveçla, duke i akuzuar për paaftësi.
“Deputeti Arbër Rexhaj merr vesh në siguri e në konceptet e Luftës Hibride bash sa pula n’telefon! Kam përshtypjen se idiotë të dobishëm po lulëzojnë anekënd,” ka shkruar Ramadani, duke ironizuar për njohuritë e Rexhajt mbi çështjet e sigurisë.
“Ani shihja formulimet: ‘Prej kur ishte shkarkuar nga AKI-a po duket shumë dorëshlirë me ‘informacionet nga burime të tij’… të na tregoj, kur ishin në koalicion me Radojçiqin, a i ka ngucë ndokush andej kah Ujmani? Me gjasë jo, sepse kanë shku me leje,” ka thënë tutje Ramadani, duke cituar fjalët e Rexhajt.
Në një ton edhe më të ashpër, Ramadani ka shtuar, “Ngriteni nivelin kur doni me fol me mu! Me Xhelala e Arbëra veç po koriteni! Këta nuk dinë bre! P.S Arbër shihemi në Gjykatë, sepse me mua s’mundesh kështu!”