Helikopteri ishte ngritur të enjten nga Lucca në Toscana dhe po shkonte drejt qytetit verior të Trevisos, kur humbi për shkak të motit të keq në një zonë të largët.
Ekipet e shpëtimit kanë gjetur trupat e shtatë personave të vrarë në një përplasje helikopteri në Itali, kanë bërë të ditur autoritetet lokale të shtunën, dy ditë pasi avioni u zhduk nga ekranet e radarëve.
Helikopteri ishte rrëzuar në shtratin e një përroi, Lama, në Passo degli Scaloni, 1,922 metra mbi nivelin e detit, dy kilometra nga streha e Segheria.
“Shpëtimtarët kanë gjetur të vdekur shtatë pasagjerët e helikopterit, katër me kombësi turke dhe dy libaneze, të cilët ishin në një udhëtim pune në Itali. Si dhe pilotin italian,” ka raportuar zyra e prefektit në qytetin e Modenës.
Identifikimi u bë i mundur pas zbulimit të pemëve të djegura dhe disa mbetjeve metalike. Të gjitha forcat në dispozicion kanë mbërritur në vendngjarje, si në këmbë ashtu edhe të transportuara me helikopterë.
Zona e kërkimit u kufizua në bazë të telefonave celularë në të cilët ishin të lidhur celularët e pasagjerëve. Nga atje, forcat e shpëtimit të koordinuara nga koloneli Alfonso Cipriano i Forcave Ajrore u zhvendosën në përpjekje për të lokalizuar avionin e rrëzuar.
Biznesmenët turq punonin për Eczacibasi Consumer Products, një degë e grupit të madh industrial turk Eczacibasi (ECZYT.IS). Ata kishin marrë pjesë në një panair të teknologjive të letrës në Itali, ka bërë të ditur kompania përmes një deklarate.
