Italia do të shkoj në zgjedhje të përgjithshme këtë vjeshtë pasi presidenti Sergio Mattarella ka shpërndarë zyrtarisht parlamentin.
Ky vendim ka ardhur pas dorëheqjes së kryeministrit Mario Draghi, si pasojë e aleatëve të koalcionit qeveriës të cilët e bojkotuan një votëbesimi.
Draghi, një ekonomist dhe ish-president i Bankës Qendrore Evropiane, do të vazhdojë të udhëheqë një qeveri të përkohshme.
Zgjedhjet do të mbahen me 25 shtator, duke qenë të dytat në Itali brenda katër viteve.
“Qeveria ka dhënë dorëheqjen e saj, falënderova Mario Draghin dhe ministrat për angazhimin e tyre gjatë këtyre 18 muajve,” ka thene Mattarella të enjten e 21 korrikut në Pallatin Quirinale.
“Qeveria po përballet me kufizime në aktivitetet e saj, por ka detyrë të punoj në këto muaj para se të vijë ekzekutivi i ri”.
“Ka shumë detyra për të përfunduar në interes të Italisë”, ka shtuar ai.
Qeveria e përkohshme e Draghit ka vendosur që zgjedhjet të mbahen në fund të shtatorit, të dielën e fundit të këtij muaji, transmenton euronews.
Pas përçarjes së koalicionit, Draghi nuk arriti të mbante të bashkuar aleatët e qeverisë së tij, por ai kishte një mbështetje të gjerë nga publiku të cilët iu lutën të qëndronte.
Ndërsa, Italia po pret të zbatojë programin e saj të rimëkëmbjes së pandemisë të financuar nga Bashkimi Evropian në një kohë inflacioni dhe pasigurie ekonomike lidhur me luftën në Ukrainë.
Presidenti i Italise, Sergio Mattarella ka bërë thirrje që kriza politike të zgjidhet sa më shpejt që të jetë e mundur për të garantuar “bashkëpunimin gjithnjë e më të nevojshëm në nivel evropian dhe ndërkombëtar”.
Mario Draghi në prag të dorëheqjes, populli i kërkon të qëndrojë