Qeveria italiane po planifikon një evakuim masiv të mundshëm të dhjetëra mijëra njerëzve që jetojnë rreth supervullkanit “Campi Flegrei” pranë Napolit.
“Campi Flegrei” (Fushat Phlegraean) shtrihet në perëndim të Napolit dhe është i mbushur me qyteza dhe fshatra, duke përfshirë Pozzuoli, Agnano dhe Bacoli, të cilat kanë një popullsi të kombinuar prej më shumë se 500,000.
Vullkani është i mbushur me 24 kratere dhe është një vullkan shumë më i madh se Vesuvius aty pranë, i cili shkatërroi qytetin e lashtë romak të Pompeit, raportoi “The Guardian”.
Ai është goditur nga më shumë se 1,100 tërmete vetëm gjatë muajit të kaluar, duke përfshirë një tërmet me magnitudë 4.0 të hënën dhe një tërmet 4.2 javën e kaluar – më i forti në zonë për katër dekada.
Ekspertët thonë se rritja e aktivitetit sizmik ka të ngjarë të lidhet me një fenomen të njohur si “bradyseism”, kur toka ngrihet ose bie, në varësi të ciklit, të shkaktuar nga mbushja ose zbrazja e dhomave të magmës nëntokësore.
Nuk ka një kërcënim të menjëhershëm të një shpërthimi, thonë shumica e vullkanologëve, por me ngritjen e tokës aktualisht me 1.5 cm në muaj, ekziston shqetësimi për ndikimin në ndërtesat lokale.