Ivana Trump, gruaja e parë e ish-presidentit Donald Trump, vdiq nga “plagët e rënda të goditjes” në trupin e saj, sipas një raporti nga kryeekzaminuesi mjekësor i qytetit të Nju Jorkut, të premten.
Mënyra e vdekjes së saj është klasifikuar si aksident, theksohet në raport, transmeton “The Washington Post“.
“Jam shumë i pikëlluar të informoj të gjithë ata që e donin, prej të cilëve ka shumë, se Ivana Trump ka ndërruar jetë në shtëpinë e saj në New York City”, tha ish-presidenti në një postim.
Ivana Trump u gjet pa ndjenja në shkallët e shtëpisë së saj në “East 64th Street” pranë “Central Park”, pasi policia mori një telefonatë urgjente në orën 12:40 pasdite. Ajo u shpall e vdekur në vendngjarje, sipas dy zyrtarëve të zbatimit të ligjit me njohuri për ngjarjen.
Detektivët e policisë së Nju Jorkut filluan një hetim dhe nuk gjetën asnjë shenjë të hyrjes me forcë ose shenja të dukshme të traumës që sugjeronin kriminalitet.
Heartbroken by the passing of my mother. Mom was brilliant, charming, passionate and wickedly funny. She lived life to the fullest — never forgoing an opportunity to laugh and dance.
I will miss her forever and will keep her memory alive in our hearts always. ❤️ pic.twitter.com/EyhrLNLUJw
— Ivanka Trump (@IvankaTrump) July 14, 2022
Trump ishte burri i saj i dytë. I pari i saj, Alfred Winklmayr, ishte një instruktor dhe mik austriak, me të cilin thuhet se u martua për të marrë nënshtetësinë austriake.
Kjo martesë e lejoi atë të largohej nga vendi i saj komunist.
Një skiatore për një kohë të gjatë, zonja Trump thuhet se ka bërë ski në mënyrë konkurruese në Republikën Çeke.
Por, pretendimet se ajo ishte një zëvendësuese në ekipin e Lojërave Olimpike Dimërore 1972 u hodhën poshtë në 1989 nga një zyrtar olimpik lokal.
Ndërsa jetonte në Kanada në vitet 1970, ajo punoi si instruktore skish dhe modele.
Menjëherë pas lëvizjes së saj në New York City në vitin 1976, ajo u takua me Trump derisa ishte me një grup modelesh. Ajo u martua me Donaldin në vitin 1977, ndërsa u divorcuan në vitin 1992.
Ivana Trump, gruaja e parë e Donald Trump, ka vdekur në moshën 73-vjeçare