Ushtria izraelite ka bërë të ditur se forcat e saj kanë rifilluar operacionet tokësore në Rripin qendror dhe jugor të Gazës, pasi në ditën e dytë të sulmeve ajrore u vranë të paktën 20 palestinezë, sipas punonjësve shëndetësorë vendas.
Operacionet kanë zgjeruar kontrollin e Izraelit mbi Korridorin Netzarim, i cili përçart Gazën, dhe ishin një manovër “e fokusuar” që synonte krijimin e një zone të pjesshme mbrojtëse midis veriut dhe jugut të enklavës, ka bërë të ditur ushtria izraelite raporton Reuters përcjell Dukagjini.
“Jepini fund çmendurisë”, mijëra protestojnë në Izrael kundër rifillimit të luftës
Disa mijëra njerëz po marrin pjesë në një protestë antiqeveritare në Izrael, duke bllokuar hyrjen kryesore të Jerusalemit ndërsa marshojnë drejt rezidencës së Netanyahut, sipas The Times of Israel.
Protestuesit kundërshtojnë rifillimin e sulmeve në Gaza dhe përpjekjet e qeverisë për të shkarkuar shefin e Shin Bet Ronen Bar, raportoi Times of Israel.
“Është koha për t’i dhënë fund kësaj çmendurie përpara se të mos kemi askënd për të shpëtuar, përpara se të mos na mbetet një vend,” i tha turmës udhëheqësi i protestës Shikma Bressler.
Tensionet midis Netanyahut dhe Shin Bet janë përshkallëzuar pas hetimit të brendshëm të agjencisë për sulmin e 7 tetorit 2023 ndaj Izraelit nga luftëtarët palestinezë. Netanyahu hodhi poshtë raportin, duke thënë se nuk iu përgjigj pyetjeve kryesore.