Analisti, Kastriot Jahaj ka thënë se teksa “Nisma për Familjen” po bazohet në funksione të familjes tradicionale shqiptare, shumica prej tyre janë bartur në institucione qoftë çerdhet, shkollat me orarin e zgjatur si dhe qëndrim ditor.
Jahaj këto i deklaroi në emisionin “Debat Plus” në Televizionin Dukagjini.
“ Lista për Familjen” po thirret në vlerat e familjes tradicionale shqiptare dhe strukturat, e funksionet që i ka familja shqiptare. Një pjesë e funksioneve të familjes tradicionale janë mbart në institucione ku çerdhet janë hapur, ka qëndrim ditor, shkollat kanë orarin e zgjatur”, vijoi ai.
E Ferid Agani nga “Lista Për Familjen” u shpreh se familjet e mëdha tradicionale, që kanë qenë me mbi 50 anëtarë brenda një familje janë reduktuar ndërsa “familjet nukleare” që janë si burri, gruaja dhe fëmijët” janë rritur dita-ditës.
“ Në periudhën e tanishme, kjo familje që ka qenë e madhe dhe me familje nukleare brenda saj ka filluar të ambientohet. Po adoptohet në mënyrë të shpejt këto familje nukleare, ndërsa familjet e mëdha janë gjithnjë e më shumë po reduktohen”, tha Agani.
Agani theksoi se tranzicioni prej familjes së madhe në të vogël, ka shkaktuar manifestime të ndryshme të disfunksioneve, por që qeveritë asnjëherë nuk i kanë dhënë hapësirën e nevojshme këtij tranzicioni.
Ai shtoi se “familja” në ditët e sotme është në një krizë të fuqishme.