Jamie Dimon është Kryetar i Bordit dhe Drejtor Ekzekutiv i JPMorgan Chase, e cila është një firmë globale e shërbimeve financiare me asete prej 3.2 trilionë dollarësh dhe me operacione në mbarë botën.
Dimon nuk është meteorolog, por ai parashikon një ‘uragan’ ekonomik që është shkaktuar nga lufta në Ukrainë, duke shkaktuar presione inflacioniste dhe rritje të normave të interesit nga Rezerva Federale.
Dimon në një konferencë ka thënë se për momentin gjithçka po shkon në rregull, por “ai uragan është pikërisht atje poshtë rrugës që vjen nga ne”, ka shtuar ai.
Sipas tij, askush nuk mund ta dijë nëse është një stuhi e vogël apo një superstuhi, duke shtuar se firma globale e shërbimeve financiare po përgatitet për rezultatet e “këqija”.
Ekonomia është shtrembëruar nga inflacioni ka thënë ai për CNN. Sipas tij, tregu nuk është i përgatitur që Fed të zbusë portofolin e obligacioneve, i cili është proces i njohur si shtrëngim sasior që në të njejtën kohë rrit normat e interesit.
Dimon tha, gjithashtu, se JPMorgan Chase do të bëjë gjithçka që mundet për të tërhequr talentin për të qëndruar në krye të botës financiare. CEO tha se banka do të jetë “fetare” për të paguar mirë për të mbajtur punëtorët e saj më të mirë.