Në Kosovë parashikohet një javë me mot të paqëndrueshëm, ku do të mbizotërojnë vranësirat, reshjet e herëpashershme të shiut dhe intervalet e shkurtra me diell.
Sipas Institutit Hidrometeorologjik të Kosovës, më 7 dhe 8 prill një front i ftohtë nga veriu pritet të depërtojë në rajon, duke sjellë masa ajrore të ftohta dhe ulje të temperaturave.
Parashikimi i motit për ditët në vijim:
E hënë, 31 mars – Moti do të jetë kryesisht i vranët. Temperaturat minimale do të variojnë nga 4 deri në 6°C, ndërsa maksimalet pritet të arrijnë mes 9 dhe 13°C.
E martë, 1 prill – Moti kryesisht i vranët me riga shiu gjatë ditës.
E mërkurë, 2 prill – Moti mbetet i vranët me intervale të shkurtra me diell dhe rritje të temperaturave. Maksimalet pritet të shkojnë deri në 17°C.
E enjte, 3 prill – Përsëri mot i vranët me periudha me diell.
E premte, 4 prill – Vranësira të dendura dhe reshje shiu në disa zona të vendit.
Temperaturat do të pësojnë luhatje gjatë javës, me ulje në fillim dhe rritje graduale në mesjavë. Qytetarët këshillohen të jenë të përgatitur për ndryshime të shpejta atmosferike.