Jennifer Lawrence rikthehet me dramën “Causeway”

Fituesja e çmimit Oscar Jennifer Lawrence luan një ushtare që lufton me PTSD dhe traumat e së kaluarës në "Causeway" , një dramë e cila shënon gjithashtu debutimin e yllit të Hollywood-it si producente

Jennifer Lawrence





“Causeway” është film dramatik psikologjik për një ushtare amerikane e cila vuan nga një dëmtim traumatik i trurit që i ndodhi gjatë shërbimit në Afganistan.

Me regji të Lila Neugebauer, filmi u xhirua para pandemisë COVID-19 dhe i dha fund pushimit të shkurtër të Lawrence nga aktrimi, shkruan AryNews.

Posteri i filmit “Causeway”

“Causeway” shënon gjithashtu filmin e parë të prodhuar nga kompania e Lawrence Excellent Cadaver. Filmi filloi prodhimin në vitin 2019, përpara se të mbyllej në mes të pandemisë dhe të rifillonte në vitin 2021.

Lynsey (Jennifer Lawrence) është një veterane lufte që vuan nga çrregullimi i stresit post-traumatik, e cila përpiqet të përshtatet me jetën e saj të re pas kthimit në vendlindjen e saj.

Ajo takohet me James, i cili po ashtu po përballet me traumën e të shkuarës, dhe ata gradualisht fillojnë të mbështeten tek njëri-tjetri për shoqëri si dhe ngushëllim.

Jennifer Lawrence (Lynsey) dhe Brian Tyree Henry (James)

“Causeway” pati premierën e tij në Festivalin e Filmit në Toronto 2022 më 10 shtator.

Filmi 92 minutësh do të dalë në kinema dhe do të jetë i gatshëm për t’u transmetuar në Apple TV+ më 4 nëntor.





Shija e redaktorit

Të martën “Dukagjini” promovon librin “Kape Lepurin” të Lana Bastašić-it

Për të gjithë ju dashamirë të librit, shtëpia botuese “Dukagjini” ka njoftuar se më 26 nëntor, ditën e martë, në orën 18:00, në librarinë...

Hamza: Me Fondin e Papunësisë do t’i mbështesim të gjithë...

Kandidati i PDK-së për Kryeministër, Bedri Hamza, ka dhënë një lajm të mirë për të gjithë punëtorët që i humbin vendet e punës. “Me...

Shtëpia Botuese “Dukagjini” Promovon në Tiranë serinë e Lektyrave Shkollore

Në ditën e katërt të edicionit të 27-të Panairit të Librit në Tiranë, Shtëpia Botuese “Dukagjini” promovoi serinë e lektyrave shkollore, e cila këtë...

Të fundit nga rubrika