Ministria turke e Mbrojtjes (MTM), nëpërmjet një njoftimi në Twitter, ka njoftuar për nisjen e takimit mes Ukrainës, Rusisë, Turqisë dhe delegacionit të Kombeve të Bashkuara për eksportin e grurit ukrainas.
“Në Kalender Pavilion filloi takimi katërpalësh ndërmjet delegacioneve të Ministrisë së Mbrojtjes së Turqisë, Federatës Ruse, Ukrainës dhe delegacionit të Kombeve të Bashkuara, lidhur me dërgimin e sigurt të drithërave dhe mallrave ushqimore që presin në portet e Ukrainës”, ka shkruar MTM në Twitter.
Për shkak të luftës që po ndodh në Ukrainë, portet ukrainase janë të bllokuara për eksportimin e grurit, dhe ky bllokim ka ndikuar në ngritjen e çmimeve të grurit.
Në këtë takim do të diskutohet mundësia e lejimit të dërgimit të grurit dhe drithërave të tjera nga Ukraina drejt Evropës, nëpërmjet disa korridoreve.
Është hera e parë që palët ruse dhe ukrainase u mblodhën në një takim kushtuar zgjidhjes së krizës ushqimore.
Ky takim erdhi pas bisedave telefonike të presidentit turk Erdodan, me presidentin e rus, Vladimir Putin dhe presidentin ukrainas, Volodomyr Zelenskyy në fillim të kësaj jave.