Një aksident trafiku ka ndodhur të dielën në fshatin Prelez i Muhaxherëve të Ferizajt, ku katër persona kanë pësuar lëndime.
Policia e Kosovës njoftoi se aksidenti ka ndodhur rreth orës 21:00 në rrugën magjistrale Ferizaj-Prishtinë, dhe ka përfshirë tri vetura dhe një autobus, të gjitha me targa vendore.
Pas aksidentit, të lënduarit janë transportuar menjëherë në Qendrën Emergjente të Ferizajt për trajtim mjekësor dhe më pas janë liruar.
Policia e Kosovës ka dalë në vendin e ngjarjes me ekipet e Njësisë së Komunikacionit Rrugor dhe hetuesit e aksidenteve, të cilët kanë kryer ekzaminimin e plotë të vendit të aksidentit.