Ekipet e shpëtimit në Mianmar dhe Tajlandë po vijojnë kërkimet për të mbijetuarit pas një sërë tërmetesh të fuqishme që kanë goditur rajonin gjatë tre ditëve të fundit.
Autoritetet në Mianmar kanë konfirmuar se katër persona janë shpëtuar nga rrënojat e një shkolle të shembur në rajonin Sagaing, ndërsa një trup i pajetë është gjetur në të njëjtin vend.
Tërmeti ka shkaktuar deri më tani rreth 1700 viktima, ndërsa kërkimet vazhdojnë pandërprerë, edhe gjatë natës.
Një tjetër tërmet goditi sot Mandalay, duke e rënduar më tej situatën.
Ndërkohë, vende si Kina dhe India kanë dërguar ekipe shpëtimi për të ndihmuar në operacionet e kërkimit dhe shpëtimit.
Në Tajlandë, kërkimet po vazhdojnë edhe në Bangkok, ku një rrokaqiell në ndërtim u shemb disa ditë pas tërmetit.
Përveç tragjedisë së tërmetit, situata në Mianmar është përkeqësuar edhe nga sulmet e vazhdueshme të ushtrisë, e cila ka bombarduar rajonin Sagaing dhe zonat pranë shtetit Karenni, ku është raportuar të paktën një i plagosur./BBC