Këngëtarë e artistë përkrahin marshin e “Liria ka Emër”, në mbështetje të ish-krerëve të UÇK-së që po mbahen në Hagë

Të dielën, më 2 prill (nesër), në Prishtinë, platforma “Liria ka emër” organizon marsh qytetar dhe solidarizues në mbështetje të luftës së drejtë të UÇK-së dhe ish-krerëve të saj, Hashim Thaçi, Kadri Veseli, Jakup Krasniqi, Rexhep Selimi dhe bashkëluftëtarët e tyre në Hagë.

Ky marsh ka marrë përkrahje të madhe nga qytetarët e Kosovës, duke përshirë organizata jo-qeveritare, partitë politike, gjithashtu, edhe këngëtarë e artistë të mirënjohur nga trojet shqiptare.

• LVV-ja përkrah marshin e “Liria ka Emër”, në mbështetje të ish-krerëve të UÇK-së
• AAK në mbështetje të “Marshit për Drejtësi”
• Krasniqi me videoadresim, fton qytetarët të “Marshojnë për Drejtësi”

Për këtë në Radio Dukagjini, ka folur njëri nga ideatorët e platformës “Liria ka Emër”, Ismali Tasholli, i cili ka  ka theksuar se e diela do të jetë një lloj matësi për dinjitetin e shoqërisë kosovare, gjithashtu ai ka bërë të ditur se marshi ka mbështetjen e më shumë se 40 organizatave joqeveritare, disa partive politike dhe komunitetit artistik.

• Marshi për ish-krerët e UÇK-së, Tasholli: E diela do të jetë matës për dinjitetin e kësaj shoqërie

“Mua më vjen shumë mirë që shoqëria e ka kuptuar që UÇK është e tyre dhe po e përjetojnë përbrenda vetit. Dhe i kanë dhënë peshë, e diela me 2 prill është një lloje vage që do të matë dinjitetin e kësaj shoqërie, është një lloj rengeni thënë metaforikisht dhe besoj që është kuptuar pesha e saj nga përkrahja e marshit. Ne kemi përkrahjen e më shumë se 40 organizatave joqeveritare, kemi përkrahjen e 7 ose 8 partive politike, kemi përkrahjen e komunitetit artistik, këngëtare, aktorë, gjithë kanë bë deklaratat publike që do të jenë pjesë e marshit”, ka thënë Tasholli.

• “Liria Ka Emër” fton qytetarët t’i bashkohen marshit për drejtësi në solidarizim me ish-krerët e UÇK-së në Hagë (Video)

Këtu mund ti gjeni disa nga artistë dhe këngëtarët që kanë përkrahur këtë marsh:

Genc Prelvukaj, Soni Malaj, Aurela Gace, Arif Ziberi, Kushtrim Dobra, Clevio Serbiano, McQoppa, Zanfina Ismaili, Vesa Smolica, Ganimete Abazi, Dj Dalool, Luana Vjollca, Vedat Bajrami, Diellza Kolgeci, Dj PM, Teuta Selimi, Osman Azemi, Ernest Zymberi, Afrim Muçiqi, Fahrush Azemi, Getoar Selimi, Albana Osmani,Gold Ag, Shkelzen Jetishi, Ledri Vula, Dafina Dauti, Lumi B, Edi Furra,Cricekt Music, Kida, Lyrical Son, Dafina Zeqiri, SAbri Fejzullahu, Marin, Albion Muqiqi, Melinda Ademi, Asim Gashi, Don Xhoni, Mozzik, Leonora Jakupi, Shyhrete Behluli, Ermal Fejzullahu, Yll Limani, Jehona Sopi, Labinot Tahiri.