Ligjërimin në klasën e tij po e bën në formën klasike.
Por kjo nuk është forma në të cilën ligjërohet në të gjitha klasët e shkollës “Mehmet Gjevori”.
Disa nga klasët kanë në dispozicion një 1 tabelë smart, 3 televizorë, 3 projektorë e 5 laptopë me internet, për 758 nxënës.
Por klasa e Fatmir Fejziut, nuk është njëra prej tyre.
”Duke u nisë nga përvoja personale, më përpara kam punuar me një shkollë e cila ishte e digjitalizuar tërsisht. E shoh se është një domosdoshmëri e kohës që të bëhet ndërlidhje e mësimit digjital me kohën praktike. E lehtëson jashtëzakonisht sepse fëmijët jetojnë në kohë digjitale dhe kanë mevoj për këtë pjesën vizuale interaktive dhe ndihmon, e kanë më të lehtë të arrisin rezultatet”, ka thënë Fatmir Fejziu, mësimdhënës i gjuhës shqipe.
Ndonëse interneti është i shtrirë në të gjithë objektin, numri i pajisjeve digjitale është ende i mangët dhe pritet të rritet në përputhje me nevojat e nxënësve vitin e ardhshëm.
”Ka nevojë shumë më shumë për digjitalizim, ka nevojë gjitha klasët të pajisen me smartboard, TV sepse po e shohim tash dallimin në ato klasë ku kemi TV dhe ajo ku nuk kemi. Bëhet mësim krejt tjetër, shumë më produktiv, shumë më i mirë. Interesimi po është shumë i madh në klasër ku po ka digjitalizim, I kemi vetëm pesë laptopë edhe ata janë të vjetër që nuk i plotësojnë kërkesat për ne. Interneti është, TV, smartboard por nuk janë të mjaftueshëm me pas në çdo klasë. Përderisa është bërë rrjeti besoj se shpejt do bëhet dogjitalizimi i tërë shkollës, besoj se brenda 2025”, ka thënë Arsim Gashi, drejtor i shkollës “Mehmet Gjevori”.
Shkolla “Mehmet Gjevori” ka nisur digjitalizimin muajin e kaluar e dallimin, më së shumti po e shijojnë nxënësit.
”Dy format janë të njëjta por kur e kemi marrë TV-në, jemi këndellur e gjithë klasa. Është shumë më e lehtë. Në tabelë mësuesi e kishte të vështirë të na tregonte se ç’ka vizatonte, ne nuk mundeshim ta kuptonim. Por tani, po i kuptojmë shumë më mirë veprimet e mësuesit”, ka thënë Bora Gashi, nxënëse.
”Kur nuk e kishim TV-në, në tabelë e kishim më problem. Duhej t’a pastronim pandërprerë…p.sh ndonjëherë kur shkruante mësuesi në tabelë dilnim të gjithë të shkruanim, nuk e mbërrinim tabelën. Tash nuk po kemi nevojë, nga banka po i kryejmë të gjitha. Shumë shokë e shoqe të të tjera klasëve dëshirojnë t’i kenë”, ka thënë Enrik Sopa, 9 nxënës.
Komuna ka dhuruar tabelën digjitale por pjesa më e madhe e pajisjeve digjitale mbesin kontribut i prindërve.
Se si do t’i ndihmojnë procesit të digjitalizimit dhe kur do të përfundoj i njëjti, televizioni është përpjekur të kontaktojë me Drejtoreshën e Arsimit në kryeqytet, por e njëjta ka qenë e paqasshme në telefon.
E rëndësia e digjitalizimit në tërësi e shkollave po vlerësohet si e pazëvendësueshme nga njohës të arsimit.
”Duhet të kemi çasje në pajisje digjitale. Kjo është përgjegjësi institucionale që kemi karshi këtyre të rive, mos të harrojmë, po flasim për gjeneratat e të rive që n përditshmëri i ekspozohen teknologjisë digjitale”, ka thënë Rinor Qehaja, njohës i arsimit.
Siç mëson televizioni, tabela interaktive në shkollat e kryeqytetit kanë vetëm 8 prej tyre ndërsa televiziorë e tabela digjitale ka secila shkollë, por jo secila klasë.
Lidhur me këtë, televizioni ka pyetur edhe MASHTI-n për punën në këtë drejtim, por nga e njëjta nuk ka pranuar përgjigje.