Instituti Hidrometeorologjik i Kosovës njofton se këtë javë pritet mot i paqëndrueshëm, si pasojë e masave të lagështa të ajrit.
Kjo do të sjellë reshje shiu në viset e ulëta, ndërsa në disa zona parashihen kushte për reshje bore.
Për ditën e hënë: Moti do të jetë i vranët me riga shiu, ndërsa në viset e larta, sidomos në perëndim, mund të ketë edhe reshje bore. Temperaturat minimale do të jenë mes 3 dhe 5 gradë Celsius, ndërsa ato maksimale mes 6 dhe 10 gradë.
Të martën: Parashikohet mot i përkohshëm me diell dhe vranësira të shpërndara. Vranësirat mund të sjellin riga shiu në disa vende. Temperaturat minimale do të luhaten nga minus 4 deri minus 1 gradë Celsius, ndërsa maksimalet do të variojnë mes 4 dhe 7 gradë.
Të mërkurën: Moti do të jetë me diell, ndërsa temperaturat minimale do të jenë mes minus 3 dhe minus 1 gradë Celsius. Maksimalet do të arrijnë mes 8 dhe 12 gradë Celsius.
Të enjten: Moti mbetet i ngjashëm me diell, por temperatura pritet të rritet, me maksimalet që mund të arrijnë deri në 16 gradë Celsius.
Të premten: Parashikohet mot i vranët, me intervale të diellit. Temperaturat minimale do të luhaten mes 3 dhe 5 gradë Celsius, ndërsa maksimalet mes 14 dhe 18 gradë Celsius.