Misioni paqeruajtës i NATO-s në Kosovë, KFOR, në një përgjigje për Dukagjinin, është deklaruar rreth aksidentit që ka ndodhur disa net më parë në Leposaviq.
Ndërkaq, në media është raportuar se një veturë e KFOR-it është sulmuar nga perona të panjohur.
E në përgjigjen për Dukagjinin, këtë nga KFOR e kanë mohuar, duke thënë se është ndoshta një keqkuptim që lidhet me një aksident trafiku të një veture të KFOR-it në të njëjtën zonë.
“Lidhur me pyetjen tuaj, nuk raportohet se asnjë veturë e KFOR-it, nuk ka qenë cak i një sulmi nga persona të panjohur në Leposaviq. Ky është ndoshta një keqkuptim që lidhet me një aksident trafiku të një veture të KFOR-it në të njëjtën zonë”, thuhet në përgjigjen e KFOR-it.